يا اجمل شهر في السنة يا شهر الصوم

يا أجمل شهر في السنة يا شهر الصوم
عايزين ننسى فيك النوم
ونتعبد فيك كل يوم
دول هما يا عالم 30يوم
عايزين نعمل الخير فيك على قد ما نقدر
ولا نقول كفاية
عايزين نشيل السيئات والنفاية
وما نقول أبدا في الخير كفاية
عايزين نحفظ حواسنا ولسانا بإخلاص
ونصلى ونخشع بإحساس
وكفايا معاصي بقى يا ناس
حط لنفسك مبادئ وامشي عليها
قول هخلص قراءة القران كله
هقيم الليل وأعيش تحت ظله
قول مش هعمل حاجة تغضبك ولا اشغل
نفسي عن رحمتك
ما أنا طول السنة مشغول
ولاهينى الشيطان
لكن الشهر ده شهر رمضان
يمكن تغفرلى وتهديني وتدخلني
فى الآخرة فسيح جنتك

بيقولوا عيلكي أم الدنيا والناس

وأنا شايفك أم الكوسة والقلقاس

كل حاجة في البلد طبيخ وشربة خضار ولحمة راس

مش أنا االلي أعيش وأقول أهي عيشة وخلاص

مش أنا اللي طموحي مروحة في الصيف ودفاية في الشتاء

وزرعة خضرة في البلكونة منبتة

أنا كل أملي أوصل كلمتي لأهل بلدي و لناسي ودنيتى

نفسى أصرخ بأعلى صوت

وأقول يا داهوتى

علشان الفقر والجوع أبيع كليتى


صوتك معدش دافى ولاقلبك لحافى

ولا فيكى بموت يا معلمانى السكوت


حتى على الورق أكتب أحرق وأنحرق


عمرى منى بينسرق بينسرق فى سكوت

مفيش ولا قدمنا ولا ورانا اللى الموت

يا مصرى أكبرذنب أنك مصرى أنجلد وأصرخ بأعلى صوت

شوف مين هايسمعك

لو أنت أفريقى أو حتى موزنبيقى

كنت أتلاقى ألف واحد يلحقك

أنما المصيبة أنك مصرى أقوالك ايه الله معك

ربنا يرحمنا ويرحمك وسمعنى أغنية بودعك