نكت مضحكة جدا...,,,

موضوع: نكت مضحكة جدا...,,, الأحد مارس 14, 2010 12:46 pm

واحد قبل ما يموت جمع ولادة التلاتة وحب يوصيهم
يفضلوا ايد واحدة واعطى لكبيرهم عود خشب كسره بسهولة اعطاه اثنين كسرهم بسهولة اعطاه خمسين عود كسرهم بسهولة قالهم طالما معاكم البغل ده مفيش خوف عليكم
______________________________
مرة واحد صعيدى جزمتة اتقطعت راح
خبطها وبعد اسبوع لقاها بقت كويسة راح فك الخياطة
______________________________
واحد غبي كل الناس بتقول له يا حمار ، فقام في مرة قال لهم بلاش كلمة حمار دي سموني
حاجة تانية فسموه جحش....فراح لمراته فرحان بيقول لها مش الناس خلاص سموني جحش .. قالت له وهي غضبانة.....اتنيل م انت بكره تكبر وتبقي حمار تاني
_____________________________
واحد ندل جيرانه خبطوا عليه بالليل وقالوله
ماتشربش مياه من الخزانات لانها ملوثة دخل ينام فمراته بتسأله فى ايه قالها مافيش حاجة اشربة مياه و نامى
_____________________________
مرة واحد غبى جاله عقد عمل فى الكويت يوم السفر قاعد فى المطار فالمذيع الداخلى بيقول
على ركاب الرحلة رقم 550 المتوجهة الى الكويت التواجد بصالة الدخول واعاد ذلك مرة ثانية فموظف المطار بيقوله يا استاذ رحلة الكويت هتطلع, فرد علية وقاله ياعم دول طالعين رحلة انا طالع شغل
_____________________________
مره طالبه مشاغبه المدرس اشتكاها للمدير المدير بعتلها قال لها "عملتى ايه؟" قالت
له "ولا حاحه رميت ورده من الشباك" قال "بس كده؟" قالتله "اه" بعد شويه لقى طالبه مدغدغه ومكسره سالها "ايه الى عمل فيكى كده؟" قالت له "انا ورده الى اترميت من الشباك."
_____________________________
واحد تاكسجى نايم مراتة دخلت علية بالليل
وقفلت الباب بشويش..صحى قال لهاافتحية واقفلية تانى
______________________________
مرة واحدة قاعدة مع جوزها في جو رومانسي قالت
لجوزها قولي كلمة حلوه قالها: بسبوسة قالت لأ كلمة تهزني قال لها مرجيحة قالت كلمة تحسسني أني مراتك قال لها انتي طالق

______________________________
مسطول راح المحكمه القاضى بيسأله
انت متجوز مين؟قاله متجوز واحده ست القاضى:انت بتهرج هو فى حد بيتجوز واحد راجل
______________________________
صرصار ندل عزم 4 من أصحابه اول
ما اتجمعوا شد السيفوووون عليهم
______________________________
مره واحد مسطول بيقول لواحد صاحبه اقولك سر قاله
فى بير قاله سلفنى 10جنيه قاله ولا اكنى سمعت حاجه
______________________________
مرة واحد عصبى ضرسه وجعه راح للدكتور
الدكتور قاله انت بتشكى من ايه قال له انت شايف الضرس ده قاله ايوه قاله شيل كل الضروس الى حوليه وسيبه زى الكلب لوحده
______________________________
مره واحد سرق فرخة وراح عند البحر نضفها واكلها جه الضابط وقاله
انت سرقت الفرخه قاله لا يا باشا قاله الضابط والريش ده؟ قاله دي نزلت تعوم و قالتلي اخلي بالي من الهدوم
______________________________
واحد مسك ايد حبيبته قلها
سمعه يا حبيبتي قالتله لا قلها دلوقتي تشمي
______________________________
مره واحد شاف واحد زعلان قاله انتا زعلان ليه قاله
والنبى شبسى فى حالى قاله ليز قاله ابويا كرنشى من البيت قاله يا عم قلبظ دماغك
______________________________
مرة واحد صعيدى بس عايش فى القاهرة بعت بنته علشان تجيبله فيلم فلما رجعت
وخبطت على الباب الاب قال مين اللي على الباب؟ قالت له انا يا بابا قال لها جبتيلنا ايه معاكي؟ قالت له العار قال ادفنوها
______________________________
مره واحد امه عجوزة جابلها دوا قلها هتخدي معلقه وحدة من الدوا دة حترجعي
عشرييييين سنه ورا..راح وجه تاني يوم قلها ايه يما الحلاوة دي ومين الولد الي علي رجلك دة ....قالتله اتنيل ابوك شرب الدوا كله
______________________________
واحد ماشى ورا وحدة قالها
الحلوة وراها مشوار قالتلة لا وراها حمار
______________________________
مسئول بيقول لمسئول ايه اخبار
الصوره الى على علبه السجاير قله ناس كتير بطلتها يا ريس قله الحق نزلها على رغيف العيش
______________________________
واحد مسطول خبط شرطى بالعربية فااتصل 122 و قالهم
احب ابلغكم انكم بقيتم 121
______________________________
مرة واحد راح يزور صحبه الصعيدى فشاف على باب شقته جرسين
فسأله اله ليه عندك جرسين اله علشان لماحد يضرب الجرس الاول التاني يحوش
_________________________
مره واحد صعيدى عاوز يفسح
عروسته في شهر العسل فسحها في منحل

________________________
قيل ان سائلا اتى رجلا من اغنياء خراسان وساله شيئا، فسمعه يقول لخادمه:
يا مبارك قل لقنبر يقول لجوهر يقول لياقوت يقول لهذا السائل يفتح الله عليك.
فرفع السائل يده وقال: يا رب قل لجبرائيل يقول لاسرافيل يقول لميكائيل يقول لعزرائيل يقبض روح هذا البخيل
______________________________
مرة واحد عيان عنده برد وحمى وقاعد في المستشفى..جه باباه يزوره..فوهو داخل
الاوضة شاف بنت حلوة خارجة من عنده..فقاله ازيك دلوئت؟ قاله انا كويس الحمدلله البرد والحمى خرجوا خلاص..فرد ابوه وقاله اه مانا شفتهم خارجين لما دخلت
______________________________
فيه تعلب كل يوم يضرب الأرنب ويقوله أنته ودانك طويله ليه راح الأرنب أشتكى للأسد راح قال
للتعلب أتتحججله بحجه غير دى مثلا قول له هاتلى جزر لو جاب ليك جزر أصفر قوله عايز جزر أحمر راح للارنب قاله عايز جزر الأرنب قاله أحمر ولا أصفر راح التعلب نزل فيه ضرب وقاله ودانك طويله ليه
_______________________________
مرة واحد صعيدى وقع فى حفرة نزلولوه
حبل علشان يربط نفسه و يشدوه بعد ما طلعوه لقوه مشنوق و رابط الحبل فى رقبته
_______________________________
واحد ندل وواحد حرامي اتفقوا
ان يعلموا بعض فالحرامي علم الندل السرقة وقال له علمني الندالة راح بلغ عنه البوليس

ههههههههههههه تسلم ايدك ياميدو حلوين اوى

واحد ماشى ورا وحدة قالها
الحلوة وراها مشوار قالتلة لا وراها حمار

هههههههههههههههههههههه تحفة

ههههههههههههههههههههه تسلم إيدك ياميدوا

هههههههههههههه
جامدة اوي ديه نكت مضحكة جدا...,,, 22391

______________________________
واحد ماشى ورا وحدة قالها
الحلوة وراها مشوار قالتلة لا وراها حمار
______________________________

تسلم الايادي ياميدو

شكرا لمروركم العطر

هههههههههههههههههه
نكت جامدة اخر حاجة يا ميدوووو
متنين المزيد

شكرا لمرورك العطر ياجميل

مشكوووووووووووووووووووووور على هذه النكت الرائعة

زائر

ههههههههههههههههههههههه هههههههههههههههههههههههههههههههههههههههههه ههههههههههههههههههههههههههههههههههههههههههههههه ههههههههههه

» قصة رومانسية مضحكة
» قصة رومانسية مضحكة